Frontal do Apocalipse
Este frontal de altar está realizado en seda e bordado con fío de prata, fío sobredourado e fíos de cores, que conforman unha gran peza rectangular composta pola unión de fragmentos máis pequenos dispostos verticalmente.
No centro da composición destaca a figura dun año recostado, representación simbólica de Cristo, que repousa sobre un volume decorado con sete selos dourados, nunha clara alusión ao Libro da Apocalipse. A escena aparece enmarcada por unha resplandecencia pintada sobre o tecido e remite á pasaxe bíblica: «A cidade non precisa nin do sol nin da lúa para a iluminar, porque a gloria de Deus a aluma e a súa lámpada é o Año» (Ap 21,23).
O bordado do año presenta un notable grao de naturalismo, acentuado pola textura que recrea o pelame natural do animal. O conxunto complétase cunha rica decoración floral de viva cromaticidade, destacable pola gradación das cores e por unha disposición que evoca a imaxe global dun xardín paradisíaco.
Esta peza foi realizada polas nais do convento das Clarisas da Purísima Concepción e constitúe un valioso testemuño da habilidade artística das relixiosas monfortinas no ámbito da arte téxtil relixiosa.
